As principais formas societarias entre as que os agricultores e gandeiros poden elixir para establecer o seu sistema de traballo en grupo son as que se citan a continuación:
- Sociedade agrarias de transformación (SAT): sociedades civís con finalidade económico-social constituídas para a produción, transformación e comercialización de produtos agrícolas, gandeiros ou forestais, a realización de melloras no medio rural e a prestación de servizos comúns encamiñados a ese obxectivo de mellora económica e social.
- Cooperativa de Explotación Comunitaria da Terra e/ou Cooperativa de Traballo Asociado: nas cooperativas de explotación comunitaria asócianse titulares dos dereitos e usos de aproveitamento susceptibles de explotación agraria; estes titulares, traballen ou non na sociedade, ceden os seus dereitos á cooperativa, que deste xeito se xestiona como unha única empresa. No caso das de traballo asociado, os socios traballan na cooperativa para producir bens ou servizos de cara a terceiros.
- Sociedade de Responsabilidade Limitada: a medio camiño entre as sociedades capitalistas e as personalistas, o seu capital social divídese en participacións acumulables e indivisibles, que teñen o carácter de valores.
- Sociedade Anónima: sociedade mercantil co capital dividido en accións, que se integra polas achegas dos socios, que non responden persoalmente das débedas sociais.
- Sociedades Laborais: sociedades nas que a maioría do capital está en mans dos traballadores de carácter indefinido; ten un carácter social, xa que o control da empresa está en mans dos traballadores.
- Sociedade Limitada Nova Empresa: tipo simplificado de sociedade de responsabilidade limitada, coas que se pretende fomentar a creación de pequenas e medianas empresas.
- Sociedade Colectiva: sociedade mercantil personalista baseada na mutua confianza dos socios.
- Sociedade Comanditaria Simple e Sociedade Comanditaria por Accións: outro tipo de sociedade mercantil personalista; as comanditarias simples caracterízanse pola existencia de dúas clases de socios (colectivos e comanditarios), e as comanditarias por accións están a medio camiño das comanditarias simples e as sociedades anónimas.
- Sociedade Civil: contrato polo cal dúas ou máis persoas se obrigan a poñer en común diñeiro, bens ou industria, co ánimo de partir entre si as ganancias e cuia actividade se regula polo Código Civil deste tipo de sociedades.
- Comunidade de Bens: contrato entre varias persoas co obxecto de compartir a propiedades dunha cousa ou gozar dun dereito que pertence a todas elas conxuntamente.
Consello Galego de Cooperativas -
Edificio Administrativo San Lázaro, Consellería de Traballoe Benestar - 2º andar
15781 Santiago de Compostela - Teléfono: 881 999 268 - Política de Privacidade - Financiado por Equal FSE
Mapa de www.cooperativasdegalicia.com