Esta publicación conta a historia de tres persoas que decidiron asumir o reto de emprender, de poñer en marcha as súas ideas, conscentes de que a única idea boa é a que se converte en acción.
Acompañámolas nese proceso de creación e posta en marcha dun proxecto de autoemprego colectivo en rexime de cooperativa, como fórmula de emprendemento en “solidario” fronte os que deciden emprender en “solitario”.
Presentarase en anexos o plan de empresa que as tres persoas protagonistas teñen ido confeccionando ó longo de todos os capítulos.
Tamén un listado de entidades e recursos de interese que teñen visitado para conseguir información e asesoramento, así como todos os consellos que a nosa equipa de técnicos proporciona para cada historia ou dúbida que pode xurdir.
So nos resta dende aquí desexarlles ánimo na lectura que preparamos para que comence a súa aventura empresarial cooperativa, e por suposto, que teña moita sorte nela.
Pilar, Carme e Ana son as protagonistas
desta aventura empresarial
Dende o primeiro capítulo coñeceras a situación de cada unha, e pouco a pouco verás como resolven todas as súas dúbidas e problemas da súa iniciativa empresarial.
