|
|
| Conclusións |
| Este apartado constitúe a última parte do proceso de guía dos contidos, e conveniente que previamente consulte os capítulos anteriores da publicación. |
A nosa historia está a rematar. Ou mellor dito, está a piques de comezar. Só rematamos unha etapa, a do planeamento previo. Agora queda ó verdadeiro viaxe, o verdadeiro traballo: ir cubrindo etapas para facermos da nosa idea unha realidade empresarial de traballo compartido, eficiente desde o punto de vista organizativo, económico e que permita a creación de postos de traballo e a xeración de riqueza.
|
 |
Pilar: “Creo que mereceu a pena o esforzo. Agora xa sabemos cara donde queremos camiñar, cales son os obstáculos que teremos que solventar e cales as oportunidades.” |
 |
Carme: “Sí, agora témonos que poñer as pilas para conquerir o financiamento necesario, para captar clientes e para empezar a traballar duro. A verdade é que estou moi ilusionada” |
 |
Ana: “Eu creo tamén que fixemos un bo traballo. Eu polo menos teño moito máis claro que cando empezabamos todo o que ten que ver co proxecto. Así que ánimo que temos pouco que perder e moito que gañar” |
|
O longo de todo o manual temos ido explicando os principais aspectos que teñen que ver coa viabilidade dun proxecto cooperativo, desde a triple verquente: mercado, organizativa e económico-financeira.
Temos aportado ferramentas para a elaboración dun plan de empresa e acompañamos ás nosas protagonistas no seu recorrido. Chegados a este punto, só a elas (promotoras) corresponde o reto de asumir ou non o risco que representa por en marcha a idea.
A viabilidade nunca se expresa en termos absolutos, xa que depende dunhas condicións previas analizadas e éstas poden cambiar, sen embargo contamos cun factor moi importante “o coñecemento previo das variables que conforman o proxecto”.
A continuación preséntase en anexos o plan de empresa que Pilar, Ana e Carme teñen ido confeccionando ó longo de todo este tempo. Tamén un listado de entidades e recursos de interese que teñen visitado para conseguir información e asesoramento.
Só nos resta, desde aquí desexarlles todo o ánimo e a sorte do mundo na súa aventura empresarial cooperativa.
¡¡O FUTURO ESTÁ POR FACER E NAS NOSAS MANS!!. |
| |
|
|
|
|
