As últimas crises alimentarias vividas no sector agroalimentario danaron a confianza dos consumidores galegos cara a determinado tipo de produtos, e aínda que o sector demostrou a súa capacidade para atallar os problemas de forma eficaz, a posibilidade de que aparezan novas crises está sempre presente.
Froito desta situación, a demanda de calidade e seguridade alimentaria por parte dos consumidores é cada vez maior. E os produtores non só deben responder a esta esixencia, senón que deben dotarse das ferramentas que lles permitan demostrar que o produto que chega ó mercado pasou por un proceso correcto de elaboración, transformación, conservación, transporte... É o que se dá en chamar trazabilidade.
Polo tanto, as cooperativas e as explotacións agrarias deben producir alimentos máis seguros e salubres, que permitan a supervivencia e viabilidade económica das explotacións agrarias (dentro dun tempo só os produtos que cumpran estas condicións serán aceptados polo mercado), ó tempo que se fomenta o respecto polo medio ambiente.
Consello Galego de Cooperativas -
Edificio Administrativo San Lázaro, Consellería de Traballoe Benestar - 2º andar
15781 Santiago de Compostela - Teléfono: 881 999 268 - Política de Privacidade - Financiado por Equal FSE
Mapa de www.cooperativasdegalicia.com