O Programa de Produción e Comercialización agraria de Calidade Diferenciada de Vegalsa-Eroski e AGACA roza o millón de euros de facturación en 2013.
16/06/2014
Coincidindo coa 37ª Feira Internacional Semana Verde de Silleda 2014, o director xeral de Vegalsa-Eroski, Joaquín González, e o presidente da Asociación Galega de Cooperativas Agroalimentarias (AGACA), José Montes, renovaron o protocolo de colaboración, posto en marcha no 2011 para impulsar o desenvolvemento e a innovación sostible do cooperativismo agrario a través de programas de colaboración que garantan unha produción e comercialización agrícola galega de calidade diferenciada. O acto de firma contou coa presenza da conselleira de Medio Rural e do Marda Xunta de Galicia, Rosa Quintana.
Este protocolo permitirá seguir potenciando a comercialización de produtos agrarios de calidade, con trazabilidade, e adaptados ás condicións técnicas e loxísticas do grupo de distribución. Entre os seus obxectivos encóntrase ampliar as categorías de produtos da horta que desenvolven, mantendo as recollidas no convenio anterior.
As cinco cooperativas de AGACA que na actualidade forma parte deste proxecto viron notablemente incrementada a súa facturación no último exercicio 2013, ascendendo case un millón de euros. Cifra que prevén mellorar nos próximos anos coa axuda ademais de novos socios para aumentar o volume de produción e abastecer así a crecente demanda do mercado.
De cara a este 2014, as estimacións falan dun incremento do 25, cunha facturación próxima aos 1.300.000 euros e a comercialización de máis de 1 millón de quilos de 30 produtos típicos da nosa terra e de gran calidade.
A seguridade alimentaria é unha das principais preocupacións do consumidor de hoxe, que aposta por produtos frescos e naturais e que encontra na horta unha gran fonte deste tipo de alimentos. Grazas ao convenio de Vegalsa-Eroski e AGACA, en 2013 a produción aumentou un 32. O alimento máis demandado foi o pemento de Padrón, seguido do tomate, a leituga, o feixón e a cebola, significando o 70 do volume total comercializado.
Consello Galego de Cooperativas -
Edificio Administrativo San Lázaro, Consellería de Traballoe Benestar - 2º andar
15781 Santiago de Compostela - Teléfono: 881 999 268 - Política de Privacidade - Financiado por Equal FSE
Máis Novas
Relacionadas
Biblioteca
Relacionada
Mapa de www.cooperativasdegalicia.com