Comeza, en Feiraco, o Taller de Emprendemento Feminino para a dinamización de novos proxectos , organizado por AGACA
22/07/2014
Serán tres xornadas, dende hoxe e ata finais de xullo, nas que técnicos da Asociación tratarán de responder á pregunta ¿que pode facer a cooperativa polas socias, para aumentar a calidade de vida e poder conciliar a vida profesional coa persoal e familiar?
Levarase a cabo un proceso de dinamización de accións emprendedoras nas zonas rurais como fonte de explotación de novas oportunidades de emprego no medio rural. En particular, no que se refire á prestación de servizos sociais asistenciais no sector de atención ás persoas dependentes.
Esta acción formúlase como instrumento de análise da viabilidade da implantación de servizos que faciliten a conciliación da vida laboral, persoal e familiar.
A actividade enmárcase no Programa de Emprendemento e fomento do liderado das mulleres nos órganos de decisión das sociedades do sector agroalimentario, a través dun Convenio de Colaboración entre o Ministerio de Sanidade, Servizos Sociais e Igualdade e Cooperativas Agro-alimentarias de España.
Para 2015 está previsto continuar, mediante sesións de sensibilización aos membros actuais do consello reitor de Feiraco e seminarios formativos para as socias, nos que se tratará de sensibilizar e empoderar ás mulleres en temas de xénero e transmitir conceptos básicos de xestión de cooperativas e responsabilidades dunha persoa integrante dun consello reitor, para que os coñezan e lles “perdan o medo”.
Está financiado polo Ministerio de Sanidade, Servizos Sociais e Igualdade e polo Mecanismo Financeiro do Espazo Económico Europeo (EEA) para o período 2009-2014.
Consello Galego de Cooperativas -
Edificio Administrativo San Lázaro, Consellería de Traballoe Benestar - 2º andar
15781 Santiago de Compostela - Teléfono: 881 999 268 - Política de Privacidade - Financiado por Equal FSE
Máis Novas
Relacionadas
Biblioteca
Relacionada
Mapa de www.cooperativasdegalicia.com