Delagro imparte un curso sobre xestión de vendas en Santiago
11/08/2014
O día 30 de xullo tivo lugar nas instalacións de Delagro, en Santiago, un curso de formación comercial ao que asistiron os integrantes do Departamento Comercial de Delagro, que apoia e dá servizo ás cooperativas socias, e tamén ao persoal destas. A sesión formativa tratou sobre técnicas de venda, analizando o ámbito actual e os compoñentes na xestión, cuxa mellora incremente o éxito na nosa actividade comercial.
A grandes trazos, os obxectivos do curso foron a mellora de procesos, procedementos e habilidades que vaian dirixidos a incrementar as vendas. Para iso, o primeiro é analizar as propias habilidades e observar posibles melloras. Sacar á luz deficiencias no que fago, así como aproveitar as fortalezas competenciais orientándoas á venda. Outra das claves é poñer especial atención nos procesos clave da venda (preparación, presentación, mensaxe diferencial, argumentación, negociación, peche e seguimento) onde o comercial debe "gañar o dereito a continuar", e consegue, non só a satisfacción do cliente, senón ademais, ser referencia activa na súa propia canle de venda.
Os alumnos experimentaron en primeira persoa, con prácticas, o valor engadido que un programa CRM (CUSTOMER RELATIONSHIP MANAGEMENT), pode achegar á xestión da actividade de vendas con melloras na eficacia e a eficiencia. Por outra parte, traballouse sobre as mensaxes diferenciais que DELAGRO pode e debe presentar a un cliente para ser a súa mellor alternativa e polo tanto ser elixido como provedor, o que resulta a marca diferencial dunha empresa.
Ademais da sesión de formación e charla, o contido desenvolveuse dun modo moi participativo, realizando exercicios de negociación e comunicación. Contouse con varios casos prácticos, tratando se establecer un seguimento e creación de valor na aprendizaxe, recordando que a venda non é o final, senón o principio da relación.
Consello Galego de Cooperativas -
Edificio Administrativo San Lázaro, Consellería de Traballoe Benestar - 2º andar
15781 Santiago de Compostela - Teléfono: 881 999 268 - Política de Privacidade - Financiado por Equal FSE
Máis Novas
Relacionadas
Biblioteca
Relacionada
Mapa de www.cooperativasdegalicia.com