O 2013 foi o ano récord para Feiraco cunha facturación de 114 millóns de euros
16/06/2014
A Cooperativa consolídase como a marca galega líder na Comunidade en volume e valor, reducindo o nivel de endebedamento e aumentando a facturación. O seu presidente, José Montes, sostén que "Feiraco afronta o próximo 2015 con grande optimismo nun mercado sen cotas, co Plan de Viabilidade cumprido e elaborará o Plan Estratéxico 2015-2020 con dous obxectivos clave: duplicar a facturación e a integración activa dos socios".
Feiraco rexistrou no pasado exercicio récord de vendas cunha facturación de 114 millóns, o que supón un crecemento do 10,8. Isto permitiu ao grupo xerar en 2013 un resultado de explotación de 2.971.407 de euros, (un 21,5 máis que en 2012) e un resultado antes de impostos de 1.475.897.
O balance positivo, cunha mellora xeral en todas as súas magnitudes, conséguese a pesar de que o contexto económico continúa sendo pouco favorable e o Produto Interior Bruto (PIB) español caeu un 1,2 o último ano.
As contas xerais aprobáronse, por unanimidade, na 47ª Asemblea Ordinaria da cooperativa, celebrada esta mañá nas instalacións de Feiraco, en Ponte Maceira. Nesta convocatoria elixíronse tamén novos cargos do seu Consello Reitor, entre eles, o de vicepresidenta, que recaeu en Carmen Rodríguez Rodríguez.
Os principais factores que contribuíron á obtención destas cifras foron a mellora da rendibilidade das explotacións, cada vez máis eficientes, grazas en boa medida á redución dos custos da alimentación do gando e a recuperación dos prezos do mercado leiteiro no segundo semestre do ano. Estes resultados seguen posicionando a Feiraco como a marca galega líder do sector, tanto en volume de litros coma en valor.
Consello Galego de Cooperativas -
Edificio Administrativo San Lázaro, Consellería de Traballoe Benestar - 2º andar
15781 Santiago de Compostela - Teléfono: 881 999 268 - Política de Privacidade - Financiado por Equal FSE
Máis Novas
Relacionadas
Biblioteca
Relacionada
Mapa de www.cooperativasdegalicia.com