 26/04/2005
O cuarto congreso galego céntrase na divulgación e análise do Plan Estratéxico para o Cooperativismo, particularmente nas liñas de actuación que se deberán impulsar durante o bienio 2005-2006, segundo o acordo plenario do Consello Galego de Cooperativas. Este Plan, que conta con 168 medidas a desenvolver durante seis anos, foi deseñado coa participación e consenso do movemento cooperativo galego e
pretende orientar as actuacións dos axentes públicos e privados, cara o desenvolvemento integral desta fórmula empresarial.
Entre as actuacións previstas destaca a posta en marcha de medidas que incidan no mantemento e creación de emprego. Por unha banda incidindo na mellora da competitividade empresarial cooperativa como recurso estrutural para manter os niveis de ocupación, especialmente nun sector primario sometido a un descenso continuado. Pola outra, activando as potencialidades do autoemprego cooperativo, con actuacións coordinadas e integrais dirixidas a incrementar o emprego estable e de calidade, e á incorporación laboral de mulleres e xente nova.
http://www.xunta.es/conselle/as/cooperativa
|
Máis Novas
Relacionadas
Biblioteca
Relacionada
Mapa de www.cooperativasdegalicia.com