Comezan os traballos para a elaboración da Estratexia para o Impulso do Cooperativismo 2016-2020
21/10/2015
A Subdirección de Cooperativas e Economía Social está a traballar na elaboración da Estratexia para o Impulso do Cooperativismo 2016-2020, para o que conta coa colaboración das diferentes Asociacións de Cooperativas Galegas. Para isto, en setembro constituíronse os distintos Grupos de Traballo, formados por un variado equipo multidisciplinar.
A mencionada Estratexia forma parte do Plan Estratéxico de Galicia 2015-2020, dentro do apartado correspondente á promoción do cooperativismo e a economía social como forma de xerar emprego e contribuír ao desenvolvemento económico e social de Galicia.
A Estratexia busca superar retos como a mellora das posibilidades de financiamento das empresas de economía social ou a optimización da súa xestión e a súa competitividade, ademais de fomentar o autoemprego e o emprendemento.
As reunións dos Grupos de Traballo véñense celebrando desde o pasado mes e continuarán durante outubro e novembro. Analízanse 5 áreas:
– Cultura cooperativa
– Emprendemento e Autoemprego
– Mellora da Xestión e da Competitividade
– Financiamento
– Institucional
AGACA e as súas cooperativas socias participan na elaboración da Estratexia para o Impulso do Cooperativismo 2016-2020 do seguinte xeito:
• Grupo de traballo Cultura cooperativa
Loli Couso (Resp. Formación Agaca)
• Grupo de traballo Emprendemento e Autoemprego
Carlos Ares (Resp. Gandaría e Promoción Cooperativa Agaca)
• Grupo de traballo Mellora da Xestión e da Competitividade
José Luis Antuña (Feiraco, S. Coop. Galega)
Emilio Rodríguez (Coren, S. Coop. Galega)
Ruth Rodríguez (Resp. Comercializac. e Internacionalización Agaca)
Higinio Mougán Bouzón (Director-Xerente Agaca)
• Grupo de traballo Financiamento
David Vila (Responsable asesoramento contable, laboral e fiscal Agaca)
• Grupo de traballo Institucional
José S. Montes (Presidente Agaca e Feiraco, S. Coop. Galega)
Consello Galego de Cooperativas -
Edificio Administrativo San Lázaro, Consellería de Traballoe Benestar - 2º andar
15781 Santiago de Compostela - Teléfono: 881 999 268 - Política de Privacidade - Financiado por Equal FSE
Máis Novas
Relacionadas
Biblioteca
Relacionada
Mapa de www.cooperativasdegalicia.com