Emprega a marca mundial que distingue ás cooperativas ".COOP ", usada por 1.450 cooperativas en 103 países
29/10/2015
A Alianza Cooperativa Internacional, promociona a identidade cooperativa mediante o uso dun dominio propio: .coop. A marca cooperativa mundial xa está sendo utilizada por casi 1.450 cooperativas de 103 países, e aínda está vixente a posibilidade de que os novos rexistros de dominios .coop podan empregarse SEN CUSTO para o primeiro ano.
A través do canal de youtube Domainsdotcoop lanzaron o vídeo “Síntase orgullosa/o da súa identidade cooperativa”, no que invitan a empregalo e nos din como facelo: “Comuníquelle aos seus asociados/as, clientela, e a súa comunidade que se sinte orgullosa/o da súa natureza cooperativa, empregando o distintivo ético exclusivo das cooperativas”.
O dominico pode solicitarse GRATIS en www.identity.coop. Amais, recentemente actualizaron a Guía do Usuario da Marca incluíndo unha nova sección con suxestións e exemplos sobre como utilizar a Marca como parte da identidade cooperativa de cada un dos seus usuarios.
Se queredes que se inclúan imaxes que ilustren o modo no que a vosa cooperativa ou organización está empregando a Marca ou os dominios .coop nas vosas publicacións, produtos, envases, promoción de eventos e redes sociais, podedes facerlles chegar eses exemplos.
Ao usar o dominio .coop sodes automaticamente incluídos nun directorio mundial de tódolos dominios .coop activos en Directory.coop. Co apoio de todos preténdese conquerir que a identidade cooperativa sexa unha das marcas éticas máis recoñecidas en todo o mundo para o ano 2020.
Preme no enlace que aparece ao final desta nova para visualizar o Vídeo, e acceder aos enlaces citados.
Consello Galego de Cooperativas -
Edificio Administrativo San Lázaro, Consellería de Traballoe Benestar - 2º andar
15781 Santiago de Compostela - Teléfono: 881 999 268 - Política de Privacidade - Financiado por Equal FSE
Máis Novas
Relacionadas
Biblioteca
Relacionada
Mapa de www.cooperativasdegalicia.com