Se hai unha maneira de realizar un traballo cooperativo e soliderario e colaborar cunha organización non gobernamental, máis coñecidas polas súas siglas ONG. Moitas delas están orientadas á defensa da infancia.

• Aldeas Infantís SOS: É unha organización internacional de axuda á infancia. O seu obxectivo principal é integrar familiar e socialmente á infancia desamparada procurando que se sintan cidadáns válidos para a sociedade. Entre os seus proxectos principais están unha escola de nais, centros de día, pisos asistidos, servizos de atención á infancia, escolas infantís, programas con familias, etc
• Pallasos sen fronteiras: É unha organización de ámbito internacional que persigue un dobre obxectivo: Mellorar a situación psicolóxica da poboación dos campos de refuxiados e zonas en conflito, mediante as actuacións de artistas e obradoiros socioeducativos e ao mesmo tempo sensibilizar á sociedade sobre a situación das poboacións afectadas e promover actitudes solidarias.
• Ayuda en Acción: O seu obxectivo fundamental é mellorar as condicións de vida da infancia, as familias e comunidades en países e rexións pobres por medio de proxectos estables que produzan cambios estruturais nos lugares onde desenvolven as actuacións, que é en preto de 20 países.
• Cruz Roja Española: O seu obxectivo fundamental é a defensa dos dereitos humanos e a axuda ás vítimas en situacións de conflito, accidentes ou catástrofes, polo que se dirixe a todos os colectivos de idade. Ademais da súa intervención en emerxencias tamén ten programas contra a pobreza, para mulleres con dificultades, reclusos ou mellora do Medio Ambiente. Hai unha delegación en cada provincia, ademais de moitas asembleas locais.
• Save the Children: O seu obxectivo é defender os dereitos dos nenos e nenas no marco da Convención de Nacións Unidas sobre os dereitos do Neno, promovendo medidas lexislativas que favorezan o cumprimento destes dereitos. Para isto realizan atención domiciliaria social e educativa aos nenos e nenas enfermos ou con carencias económicas, sociais ou culturais.
• Fundación Intermon Oxfam: Traballa con persoas de países subdesenvolvidos de América do Sur, África e Asia, o seu obxectivo fundamental e a eliminación da pobreza, promovendo a solidariedade, fomentando o comercio xusto, denunciando as causas da pobreza e actuando en emerxencias.
• Fundación Meniños: Organización sen ánimo de lucro que traballa polos dereitos da infancia e da adolescencia en situación de dificultade social, intervindo directamente coa infancia a nivel educativo, no acollemento e nas adopcións e apoiando ás familias en grave dificultade.

Agora, coa axuda do teu mestre ou mestra, visita a páxina web dalgunha delas e coñece cales son as súas principais actividades, a súa maneira de organizarse e en que países desenvolve o seu labor. Gustaríache formar parte dalgunha delas?