Medelle Servicios Comunitarios, como o seu propio nome indica, dedícase a múltiples actividades, aínda que son de destacar dúas fundamentais:
En primeiro lugar, a axuda no fogar, é dicir, e para que o entendades, a axuda que se lle proporciona ás persoas con algún tipo de dificultade, tanto física como psíquica ou social. Esta actividade realízase maioritariamente, aínda que non en exclusiva, coas persoas maiores; e abarca dende a realización do aseo persoal, ata a limpeza dos domicilios, ou a elaboración de alimentos, o acompañamento ó médico,...

A outra actividade principal da empresa, e que merece a pena destacar é, a animación sociocultural, animación que , igual que a actividade anterior, vai dirixida a toda a poboación; aínda que na actualidade unha das maiores demandas que posuímos é de animación infantil en festas coma aniversarios, bautizos ou festas populares.

Medelle é unha cooperativa moi recente, que case poderíamos dicir que está comezando, pois a súa andadura iniciouse a mediados do mes de xuño de 2005.

Os comezos? Pois ... supoño que como a maioría dos proxectos novos: atopámonos con obstáculos, aínda que non moitos, cometemos erros e equivocámonos máis dunha vez..., aínda que a valoración é bastante positiva.

Medelle xurdiu a partir de dous acontecementos case paralelos: o primeiro foi un Obradoiro de Emprego onde un dos módulos era o de “axuda no fogar”, do cal eu era monitora e catro das socias actuais eran alumnas; durante a realización do mesmo e tamén ao seu remate, foi algo ao que demos moitas voltas. Por outra banda, unha amiga e compañeira de formación tamén me animou para crear a empresa e ampliar os servizos a prestar, incluíndo outros como a animación sociocultural, máis relacionados coas nosa inquedanzas.
E así foi como iniciamos a nosa andadura, xuntándonos naquel momento 5 socias-traballadoras, 3 alumnas do obradoiro e 2 educadoras sociais.

Cando comezas de cero buscando unha saída laboral o traballo de equipo facilita moito as cousas, ademais do apoio que nos podemos dar unhas a outras. Tamén son importantes axudas e beneficios fiscais que ten unha cooperativa fundamentais para o comezo dunha nova actividade.

Na actualidade, a nosa cooperativa está formada por 6 socias-traballadoras con dedicación completa á cooperativa, das cales 2 somos educadoras sociais e 4 auxiliares de axuda no fogar. Ademais, temos contratada unha traballadora social a tempo parcial; e en función dos servizos a prestar, en ocasións concretas contratamos a auxiliares de axuda no fogar.

Si, claro. A maioría das decisións tomámolas entre tódalas socias. Realmente é algo moi sinxelo de facer, pois de momento somos poucas. Nalgún caso puntual, cando non se trata de cousas moi importantes, é o Consello Reitor o que toma as decisións.

A maioría dos obstáculos, aínda que non moitos, foron debidos ao descoñecemento que as socias tiñamos nalgúns aspectos como contabilidade, marketing,...
Tamén nos custou algo comezar a prestar os servizos, quizás polo tipo de servizos que son, pois traballamos sempre coas persoas e dependemos da súa confianza, e na maioría das situacións, ou na súa totalidade, no caso do servizo de axuda no fogar, traballamos dentro dos propios domicilios das persoas.

A verdade é que non coñezo moi ben os outros tipos de empresas, só teño unha ideas moi básicas, pero penso que unha das diferenzas principais é que nas cooperativas, como indica o seu nome, tódolos socios cooperan, traballan polos mesmos intereses e teñan as mesmas inquietudes, ou cando menos moi similares.

A empresa é de todos os socios e socias, que normalmente ademais de ser os donos son tamén os traballadores. Mentres que noutros tipos de empresas hai unhas persoas que son as donas e despois a maioría son traballadores e traballadoras.

E tamén existen diferenzas fiscais, pois as cooperativas están máis protexidas e contan con máis beneficios.

Pois toma nota:

• Que é unha boa saída laboral.
• Que se informen ben, primeiro, do que é unha cooperativa.
• Que definan claramente as actividades ás que se van dedicar.
• Que consulten e soliciten todas as axudas ofertadas.

E que definan claramente as súas funcións dentro da mesma, as actividades que cada socio ou socia vaia desenvolver.

Ata sempre, Coopi.

Reunide a un grupo de persoas da clase ou a varios amigos ou amigas, e facede unha entrevista similar a algún membro dunha cooperativa que teñades próxima ao voso colexio. Se non tedes ningunha preto de vós, lembrade que a podedes realizar tamén a través do correo electrónico, enviando as preguntas e recibindo as respostas por escrito.

O voso mestre ou mestra vos poderá axudar a contactar con eles. E se podedes facelo en vivo, aproveitade para tomar algunhas fotos da cooperativa, e así ilustrar o voso texto!