O Cooperativismo no Ensino

Actividade 1: Tipos de cooperativas

Descobre os diferentes tipos de cooperativas que existen pasando o rato por riba de cada un dos círculos que conteñen un número.

Actividade 2: Webquest, rastrexando na rede

Como puideches comprobar, existen cooperativas dedicadas a actividades moi diversas. Unhas ofrecen unha serie de servizos, mentres que outras comercializan uns produtos. Hai incluso asociacións que engloban ás cooperativas dos diferentes sectores.

Visita as seguintes ligazóns, e descubre as seguintes informacións:

Cales se corresponden con asociacións de cooperativas? Anótaas.
Se son de servizos, que ofrecen ao público? Fai unha lista dos diferentes servizos ofertados.
Se directamente venden produtos, toma nota da enorme variedade cos que traballan.
Elixe a que creas que ten un esquema organizativo máis sinxelo, e a que creas que o ten máis complexo.
Se orientases a túa vida profesional cara o mundo cooperativo, cal das seguintes cooperativas sería a ideal para ti?

+ Pulsar aquí para ver as ligazóns de consulta

Cooperativas sanitarias.

Cooperativas de seguros.

Cooperativas de crédito.

Cooperativas de servizos sociais: atención á terceira idade. Presta servizos á comunidade para procurar benestar social.

Cooperativas de integración social: centro de reeducación social. Asocian a persoas en risco de exclusión social para prestar servizos.

Cooperativas de ensino: escola de Educación Infantil e Primaria. A súa finalidade é desenvolver actividades docentes.

Cooperativas de vivendas: constitúense para proporcionar vivenda ás persoas seleccionadas.

Cooperativas de explotación dos recursos acuícolas: piscifactoría. Explotan en común os recursos que proporciona o mar.

Cooperativas do mar: asocia a todas as persoas relacionadas cos traballos marítimos.

Cooperativas de transportistas: asocian a propietarios ou traballadores do transporte.

Cooperativas de servizos: ferretería. Non xeran produtos, pero prestan servizos para ás persoas asociadas ou outras.

Cooperativas de consumidores e usuarios: Obteñen bens e servizos para o consumo das persoas asociadas.

Cooperativas de explotación comunitaria da terra: gandeiría. Asocian a persoas que poden aportar terras, maquinaria, instalacións ou traballo.

Cooperativas agrarias: gandeiría, viño e horta. Agrupan a persoas que posúen unha explotación.

Cooperativas de traballo asociado: as persoas que as conforman aportan o seu traballo para producir bens ou prestar servizos.