Asumir o risco, por en marcha as propias ideas, dar o salto, resultará moito máis difícil se non contamos con mecanismos que nos permitan acotar ese risco, prever as consecuencias das nosas accións,  en definitiva planificar o futuro. Pilar, Ana e Carme son conscentes da trascendencia do paso que queren dar, por iso saben que teñen que analizar polo miúdo tódalas variables que afectarán a súa idea empresarial.

O proxecto de viabilidade ou plan de empresa é unha análise polo miúdo de tódalas variables que afectan a unha idea empresarial en tres áreas básicas: producto-mercado, organizativa, económico-financeira.

A súa elaboración conxunta e a súa plasmación nun documento non demasiado extenso cumpre un dobre obxectivo: por unha banda serve ás persoas promotoras dun proxecto, neste caso ás tres socias protagonistas para coñecer en detalle aspectos clave para acotar o risco e analizar a viabilidade. Por outra serve de carta de presentación para busca de socios/as, solicitude de axudas e subvencións, así como de solicitude de financiamento alleo.

Na súa elaboración deben participar as promotoras e resulta conveniente contar coa axuda dunha entidade ou persoa profesional que colabore na busca de información, elaboración e resolva dúbidas e problemas que vaian xurdindo.

As entidades representativas do cooperativismo e distintos organismos públicos veñen cumprindo esta función, ademais de asesorías e consultoras especializadas. Tamén en Internet existe abondosa documentación ó respecto (1).

(1) Ver http://www.cooperativasdegalicia.com/biblioteca/index.php?tipo=libro e tamén http://wsie.ipyme.org/planempresa/ 

Descargar un índice de referencia para a elaboración dun plan de empresa cooperativo