NEXUS REDE PARTICIPA NA XORNADA FINAL DO GTN3 "Contribución de Equal a la adaptabilidad de empresas y trabajadores" EN SANTANDER
Os
días 10 e 11 de decembro desenvolveuse en Santander a xornada final do
Grupo de Traballo Nacional do eixo 3 de Equal. Nesta xornada, e co fin
de facer chegar a todas as Agrupacións de Desenvolvemento os taballos
levados a cabo no Grupo contouse con intervencións a cargo de
responsables e persoal técnico da UAFSE e dun espazo de Feria
dos proxectos nos que se podían coñecer as ferramentas e produtos
desenvolvidos en cada un dos 38 proxectos Equal do eixo de
adaptabilidade.
XORNADA TÉCNICA: PLANOS DE MELLORA E COOPERATIVISMO SOSTIBLE
A Xornada, organizada pola Federación de Cooperativas Sinerxia no marco do Proxecto Equal Nexus Rede terá lugar o xoves 20 de decembro de 2007 no Hotel Congreso (Sala Oseira) de Santiago de Compostela,
en horario de 10:00 a 14:00hs rematando cun xantar.Haberá límite de
asistencia (máximo 50 persoas) por rigoroso orde de inscrición.Prema aquí para inscribirse.
XORNADA DE INTERCOOPERACIÓN NO MAR
A
Federación de Empresas Cooperativas Sinerxia organiza esta xornada no
marco do Proxecto Equal Nexus Rede. A xornada desenvolverase o próximo
martes 18 de decembro no Pazo da Cultura de Pontevedra, en horario de 16:30 a 19:30 hs.
As persoas interesadas poden inscribirse premendo aquí
XORNADA DE DIVERSIFICACIÓN E DIMENSIONAMENTO - PROXECTO EQUAL NEXUS REDE
Co obxectivo xeral de realizar unha diagnose sectorial
e analizar as posibilidades de diversificación e/ou dimensionamento das
cooperativas de traballo e as súas asociacións adicadas á asesoría -
consultoría nas actividades de xestión empresarial, formación non
regrada, organización de eventos e servizos informáticos.
Dirixida a: cooperativas de traballo e as súas asociacións que traballen neses sectores.
A Xornada, organizada pola Federación de Cooperativas Sinerxia no marco do Proxecto Equal Nexus Rede terá lugar o martes 11 de decembro de 2007 no Hotel Tres Luces de Vigo. Inscricións ate o 10 de decembro no 986 128 580 /90 .
O PORTAL DE INTERCOOPERACIÓN NEXUS REDE
No seminario final do Proxecto Equal Nexus Rede presentouse o Portal de Intercooperación
que se está a desenvolver ao abeiro do proxecto. O obxectivo desta
iniciativa e poñer ao servizo das cooperativas interesadas unha ferramenta para a intercooperación cooperativa que contempla:
Un espazo privado
con ferramentas de comunicación: foros, taboleiros de anuncios,
comunicados, ofertas, propostas de interccoperación (demandas doutros
produtos/servizos cooperativos), novidades,...
Un espazo público
cooperativo con buscador de cooperativas, microwebs para as
cooperativas interesadas, sección de "cooperativa do mes", sección de
actualidade, catálogo de produtos e servizos.
Pódese visitar o Portal de Intercooperación no seguinte enderezo: http://www.intercooperar.coop/index.php
SEMINARIO FINAL DO PROXECTO EQUAL NEXUS REDE
Prema sobre o nome dos relatorios para acceder a documentación do mesmo.
30 NOVEMBRO 2007 - SEMINARIO FINAL DE TRANSFERENCIA NEXUS REDE.
Prema aquí para acceder ao programa do Seminario Final
O próximo Venres 30, no Hotel Meliá - Torres de Compostela en
Santiago de Compostela, celebrarase o Seminario Final de presentación
de resultados e conclusións do proxecto Equal Nexus Rede, financiado
polo F.S.E. . Persoas responsables e técnicas implicadas na
execución do proxecto NEXUS REDE, explicarán as mellores prácticas do
proxecto, entre elas:
-
Aplicacións informáticas de xestión para autodiagnose empresarial e elaboración de PLANS DE MELLORA COOPERATIVA, xestión da mellora e da CALIDADE COOPERATIVAS E RSC.
-
Manuais e Guías de DINAMIZACIÓN COOPERATIVA: mostra de casos cooperativos galegos de Diversificación, Dimensionamento e Intercooperación; Guía e Manual de FINANCIAMENTO, para mellora da xestión e planificación cooperativa e o MODELO DE REFERENCIAL DE CALIDADE e xestión sostible cooperativa.
-
Módulos
Formativos Dixitais elaborados específicamente para dar cobertura as
necesidades de formación das Cooperativas Galegas a través da Teleformación Cooperativa Nexus Rede e manuais didácticos da actividade desde volvida pola Escola Cooperativa Móbil.
Para inscripcións poden dirixirse ate o día 27 de novembro ou ben as entidades socias AGACA, UGACOTA e SINERXIA, ou ao secretariado técnico Tel. 981 575 244.
XORNADAS DE INTERCOOPERACIÓN NEXUS-REDE: “AS REDEIRAS GALEGAS POR UN EMPREGO DIGNO E DE CALIDADE”
As Redeiras marcan uns obxectivos comúns para combatir o intrusismo e mellorar as súas condicións laborais.
Nas
mesas de traballo, as mais de 160 asistentes acadaron uns obxectivos
comúns que foron expostos por Constantino Gago, Técnico do Proxecto
Equal Nexus Rede, e por Manuela Parada Rey, Vicepresidenta da
Federación Galega de Redeiras. Para ver imaxes do
Encontro de Redeiras prema
aquí.
A ESCOLA COOPERATIVA MÓBIL DO PROXECTO EQUAL NEXUS REDE INCLUÍDA NUN CATÁLOGO DE BOAS PRÁCTICAS EN ALFABETIZACIÓN TECNOLÓXICA.
O Proxecto Equal E-Micro,
liderado polo Concello de Murcia, ten entre os seus obxectivos mellorar
a organización e xestión das microempresas. Unha das actuacións
realizadas con este fin é a adaptación aos cambios nos sistemas de
xestión e avance da Sociedade da Información. Neste marco realizaron un
"Estudio de Boas Prácticas", coa finalidade de
aproveitar todo o potencial de transferencia das actividades de
alfabetización tecnolóxica analizadas. No marco deste estudio
contactouse cos 228 proxectos Equal aprobados en España,
seleccionándose 6 deles como boas prácticas.
Unha das boas prácticas recollidas é a Escola Cooperativa Móbil Nexus Rede.
Considerada unha boa práctica porque contribue a rachar ca fenda
tecnolóxica e democratizar o acceso ás tecnoloxías da información e a
comunicación, amais de poñer a disposición das cooperativas e empresas
de economía social galegas unha ferramenta innovadora.(Prema sobre a imaxe para descargar a Guía)
|
 |
O PROXECTO EQUAL NEXUS REDE NO Vº CONGRESO GALEGO DE COOPERATIVAS
O venres 26 de outubro de 2007 desenvolveuse en Santiago a quinta edición do Congreso Galego de Cooperativas que baixo o lema "Afrontando os Retos" reuniu a mais de catrocentos cooperativistas de toda Galicia.
Nesta
edición, o proxecto Nexus Rede estivo presente nun dos stands do
Congreso e coa presenza da Escola Cooperativa Móbil que se desprazou
ata Santiago para continuar a súa labor divulgativa.
ÚLTIMOS CURSOS DA TELEFORMACIÓN COOPERATIVA NEXUS REDE
ACCEDA A DEMO DOS CURSOS:
Ábrese o prazo de matrícula para os últimos cursos da Teleformación Cooperativa
Nexus Rede. Estes cursos pódense seguir, na modalidade de teleformación
(formación a través de Internet con titoría personalizada), a través da
Plataforma de Teleformación Nexus Rede.
Neste mes aínda pódense inscribir nos seguintes cursos:
13 DE XULLO DE 2007 ENCONTRO TRANSNACIONAL DO PROXECTO EQUALITY EN MACERATTA (ITALIA)
O
día 13 de xullo tivo lugar o encontro no que os socios do proxecto
transnacional Equality puxeron en común os avances do seu traballo na
elaboración das Cláusulas Sociais. O encontro tivo unha sesión de Showcase, coa mostra das boas prácticas desenvolvidas nos proxectos Equalità (Italia), Mozemy (Polonia) e Nexus Rede (Galicia) e un laboratorio de traballo sobre a implatación de criterios de Responsabilidade Social.
ABERTO O PRAZO DE MATRÍCULA PARA OS CURSOS DE TELEFORMACIÓN COOPERATIVA NEXUS REDE
No mes de xullo comezan a impartirse os cursos avanzados da Teleformación Cooperativa Nexus Rede.
Estes cursos, impartidos na modalidade de aprendizaxe por internet con
titoría persoalizada son gratuítos e están dirixidos as persoas socias
e traballadoras das cooperativas e empresas de economía social de
Galicia, e a tódalas persoas interesadas nestes ámbitos.
A oferta de novos cursos inclúe o curso de Formación Cooperativa en Xestión e Dirección e de Habilidades Sociais en Cooperativas e Empresas de Economía Social Avanzado.
18,19
e 20/04/07 COOPERATIVAS GALEGAS, de LE MARCHE (ITALIA) E
POLONIA debaten en Santiago sobre Calidade na Xestión Cooperativa e a
RSC
O programa consta dun LABORATORIO de traballo, o 18 de abril a partir das 10.15hs no C.E.Avanzados da USC. Ás 17hs no hall da Fac. de Económicas inaugurarase unha EXPOSICIÓN de boas prácticas, a continuación se celebrará unha CONFERENCIA maxistral a cargo do Prof. M. Botana. Durante os días 19 e 20 se realizarán reunións con cooperativas de Ourense, Santiago, Oleiros, Lorbé e Coruña, onde os nosos convidados poderán visitar á Escola Cooperativa Móvil NEXUS REDE.
29/03/07 O PLAN ESTRATÉXICO AGRARIO a debate na proxima xornada NEXUS REDE
No
marco da xornada exporáse o resultado dos traballos desenvolvidos
durante 2006 dende o Grupo de Traballo1, "Adaptabilidade e
Consolidación Cooperativa..." e que deron como resultado a elaboración
do Plan Estratéxico Sectorial. Ao debate asistirán, entre outros, o Conselleiro de Traballo, D.Ricardo Varela Sánchez; o
Dtor.-Xerente de AGACA, D.Higinio Mougán e expertos convidados, como D.
Antonio Cancelo Alonso, ex-presidente de Mondragón C.C. e D.
Eduardo Baamonde, Director da Confederación de Cooperativas Agrarias,
CCAE.
05/02/2007 PONSE EN MARCHA A TELEFORMACIÓN COOPERATIVA NEXUS REDE.
No mes de febreiro de 2007 comezarán a impartirse os cursos incluídos na primeira fase da Teleformación Cooperativa Nexus Rede. Estes cursos poderanse seguir a través da Plataforma de Teleformación Nexus Rede. Xa está aberto o prazo de matrícula!! Para mais información, formacion.nexusrede@gmail.com ou tlfno: 981 957 749.
VISITA A PLATAFORMA PREMENDO NO BANNER
18 DEC06 XORNADA DIVERSIFICACIÓN FORESTAL
Dende
a entidade socia AGACA, e no marco da Acción 2 - NEXUS REDE.
Dimensionamento e Diversificación, estás programadas unha serie
de XORNADAS dirixidas a axentes do sector AGRARIO. O
pasado 8 de novembro celebrouse en Lugo, a primeira xornada para divulgación de ferramentas TIC en apoio do dimensionamento agrario.
A segunda celebrarase o próximo Luns, 18 de decembro a partir das 9.30hs, no Hotel Apostol de Santiago (saída Santiago-Norte, AP-9). A xornada ten como obxectivos informar, orientar e asesorar ás cooperativas agrarias que teñan interese en coñecer novas posibilidades de organización e diversificación da actividade, contribuíndo a sostenibilidade do medio ambiente rural e a mellora e competitividade dos servicios cooperativos. Para obter máis información teléfonos 981 584 911 - 981 584 783.
|
“No Camiño da Adaptabilidade das Cooperativas e de outras entidades de economía social”
O
próximo xoves 14 de decembro de 2006 desenvolverase en Santiago de
Compostela a Xornada de Transferencia do Proxecto Nexus Rede.
Os
obxectivos desta Xornada son os de facer unha presentación pública
de resultados parciais e boas prácticas desenvolvidas polo proxecto
Equal Nexus Rede no período 2005-2006, cumprindo así co obxectivo
recollido no seu plano de transferencia. A
xornada diríxese a entidade, institucións, organismos e persoas
vinculadas ao cooperativismo, a economía social e participantes en
programas europeos.
|
27,28
E 29 DE NOVEMBRO. Peche e conclusións Mesas
Sectoriais Agrarias.
  |
|
Cooperativistas do sector agrario, convocados por AGACA, reúnense no mes de novembro de 2006 para a elaboración de Plans Estratéxicos Sectorias,
na procura dunha maior competitividade e adaptabilidade no ámbito
agrario. Coas conclusións finais prepararase as liñas mestras que
sirvan de referencia a todo o colectivo cooperativista e a
Administración e como exposición das necesidades reais do sector.
Esta
actividade enmárcase dentro das medidas de accións desenvolvidas no
marco do Proxecto Nexus Rede, financiado polo Fondo Social Europeo,
dentro da iniciativa comunitaria Equal II, no que AGACA é a entidade
coordinadora da Agrupación de Desenvolvemento Nexus Rede.
|