O Consello Galego de Cooperativas
é o máximo órgano de promoción e difusión
do cooperativismo na Comunidade Autónoma de Galicia, constituíndose,
ademais, como órgano consultivo e asesor das administracións públicas
galegas naqueles temas que afecten ao cooperativismo.
É
un órgano colexiado no que participan as diferentes administracións,
institucións e organizacións cooperativistas, interesadas
no fomento global do cooperativismo. Converteuse nun nexo de unión
entre as propias cooperativas e os organismos públicos, logrando,
desta maneira, unha comunicación permanente e fluída entre
ambas partes.
A súa institucionalización como órgano consultivo e de
participación significou a creación dunha plataforma de
confluencia estable dos axentes cooperativos, públicos e privados,
que sostén as estruturas de participación dun plano estratéxico
que garanta como primeira característica do proceso de planificación,
a súa capacidade para implicar activamente aos axentes que interveñen
no movemento.
Para o cumprimento dos seus obxectivos gozará de plena capacidade de
obrar, axustando a súa actuación ás previsións contidas
na Lei 5/1998, do 18 de decembro, de cooperativas de Galicia e nas normas de
desenvolvemento dela. Ademais da súa normativa específica, ao
consello resultaranlle de aplicación as normas previstas nos artigos
correspondentes ao título II, capítulo II da Lei de réxime
xurídico das administracións públicas e do procedemento
administrativo común, relativas aos órganos colexiados.
O Consello Galego de Cooperativas adscríbese á Consellería
de Traballo e Benestar, que lle asignará o
persoal funcionario e os recursos económicos suficientes para o seu funcionamento.
CALES SON AS SÚAS FUNCIÓNS?
1. Son funcións propias
do Consello Galego de Cooperativas:
Facilitar e colaborar
na investigación, planificación e execución dos
programas de desenvolvemento e fomento do cooperativismo, prestando
un especial interese polos programas da Unión Europea, así
como promover a educación e formación cooperativa.
Elaborar propostas,
ditames e informes en relación coas cuestións que afecten
ao cooperativismo.
Realizar estudos e
impulsar as accións encamiñadas a facilitar a intercooperación.
Emitir informe, con
carácter preceptivo, sobre os proxectos de disposicións
legais e regulamentarias e demais normas que afecten directamente
ás cooperativas ou as súas organizacións, así
como procurar a súa difusión.
Contribuír ao
perfeccionamento do réxime legal e institucional do ordenamento
socioeconómico da Comunidade Autónoma de Galicia.
Conciliar e exercer a
arbitraxe nas cuestión litixiosas que se susciten entre cooperativas,
entre estas e os seus socios, ou no seo delas entre os seus socios,
cando ambas as dúas partes o soliciten ou ben estean obrigadas a
iso en razón ó establecido nos seus estatutos.
Promover a educación
e formación cooperativa nos distintos niveis do sistema educativo
xeral.
Exercer todas as
accións que resulten necesarias para percibir os fondos irrepartibles,
así como o remanente do haber líquido social das cooperativas.
Percibir, planificar
e xestionar mediante un programa específico os fondos de formación
e promoción nos supostos previstos na Lei 5/1998, do 18 de
decembro, de cooperativas de Galicia.
As demais funcións
que lle atribúa a Lei de cooperativas de Galicia e as súas
normas de desenvolvemento.
2. Para o cumprimento dos seus fins,
o Consello Galego de Cooperativas poderá participar nos organismos
e nas institucións que contribúan ao desenvolvemento
socioeconómico de Galicia, así como naqueloutros que poidan
corresponderlle.
CAL É A SÚA COMPOSICIÓN?
O Consello Galego de Cooperativas estará
integrado polos seguintes membros:
PRESIDENTE:
Conselleira de Traballo e Benestar
- Dna. Beatriz Mato Otero.
Director Xeral Traballo e Economía Social
- Dna. Carmen Bouso Montero
7 representantes de Cooperativas
3 representantes de AGACA
- D. José Severino Montes Pérez
- D. Manuel Carlos Gómez Díez
- D. Higinio Mougán Bouzón
1 representante de UCAFE
- D. Manuel Domínguez Rodríguez
1 representante de UCETAG
- D. Alfonso D. Fernández Rodríguez
1 representante de UGACOTA
- Dna. María del Mar Pernas Márquez
1 representante de SINERXIA
- Dna. María Sánchez Seijo
1 representante das Universidades Galegas
- D. José Manuel García Vázquez
1 representante de Cooperativas de Crédito
- D. Manuel Varela López, representante
de Caixa Rural Galega
1 representante da Consellería
do Medio Rural e do Mar
- Dna. Susana Rodríguez Carballo
1 representante da Consellería do Medio Rural e do Mar
- Dna. Patricia Ulloa Alonso
1 representante da Consellería de Traballo e Benestar
-Dna. Ana María Díaz López
1 representante da Consellería de
Educación e Ordenación Universitaria
- D. José Manuel Pinal Rodríguez
1 representante da Federación Galega
de Municipios E Provincias (FEGAMP)
- D. Gabriel Alén Castro
Secretario:
- Manuel Ángel Pérez Losada, xefe do servizo
de Cooperativas e Economía Social
O consello tamén
contará cun secretario, que actuará con voz pero sen
voto. Existirá un suplente de cada un dos vocais do
consello e do secretario.
O consello poderá convocar
ás reunións dos seus órganos a calquera persoa
ou entidade que poida colaborar na consecución dos seus obxectivos,
que asistirán con voz pero sen voto. A través do regulamento
de réxime interno, poderá determinarse o resto de condicións
de asistencia e participación e os criterios para a realización
da convocatoria, especialmente daquelas asociacións que non
conten con representación no consello, cando se traten
asuntos propios da clase de cooperativas que agrupan.
Consello Galego de Cooperativas -
Edificio Administrativo San Lázaro, Consellería de Traballoe Benestar - 2º andar
15781 Santiago de Compostela - Teléfono: 881 999 268 - Política de Privacidade - Financiado por Equal FSE
Mapa de www.cooperativasdegalicia.com